Eskolaz Kanpoko Jarduerak

Guraso Elkarteak bultzatuta hainbat ekintza antolatu dira astean zehar egiteko. Ikastaro guztiak euskaraz izango dira. Hauek dira antolatu diren ikastaroak:

- Informatika ikastaroa izango dugu astelehen eta asteazkenetan 18:15etik 19:30era eta ikastolako irakasle-laguntzailea den Imanol Santxezek emango du. Lehen Hezkuntzako ikasleentzat prestaturiko ikastaroa izango da.
- Joko-jolasen ikastaroa izango dugu astearte eta ostegunetan 17:00tik 18:00ra. Pilota aitzaki hartuta hainbat jolas eta hainbat balore landuko ditu Eñaut irakasleak. Lehen eta Bigarren Hezkuntzako ikasleentzat izango da ikastaroa.
- Larunbatetan Kung-fu ikastaroa izango dugu ikastolan bi taldetan banatuta, 11:00-12:00 artean bata eta 12:00-13:00 artean bestea. Lehen Hezkuntza eta Bigarren Hezkuntzako ikasleez gain helduek ere aukera badute Kung-fu ikastaroan parte hartzeko.


Ikastaroak azaroaren 17tik aurrera hasiko dira eta izena emateko epea azaroaren 7an bukatzen da.
Prezioak:
Informatika eta joko-jolasen ikastaroetan parte hartzeko ikastolako bazkideek 15€ ordaindu beharko dute eta bazkide ez direnek 20€.
Kung-fu ikastarorako berriz bazkideek 20€ eta bazkide ez direnek 25€.