Edurra teilatuan

Edurra teilatuan
zakua lepuan
ibili beharko degu
aurtengo neguan.
La, la, la, la, la,la…

Beno, neguan sartu berri garen honetan opor usainean gabiltza. Gabonak ate joka ditugu eta guztiok gaude egun batzuetan deskonektatzeko gogoz. Goietan elurra ageri zaigu, aurten udazken lehorra eta epel xamarra izan dugu eta bat-bateko hotz hauek aztoratu gaituzte, baina sasoian sasoiko eguraldiak behar du eta hau ere disfrutatu behar da.
Berriakeko lehen atalean bidaia bat egitea proposatzen genizuen, bidaia hori zuek ikasleok edukiz eta asmo onez betetzeko bidaia bat egitea zen; ikasturtea bidaia bat legez hartzea. Lehen hiruhilekoa bukatu dugu, batzuk hobetoxeago besteak baino. Halere, denok merezi dugu deskantsua.
Datozen egun hauek hurrengo urterako desioak eta proposamenak egiteko aproposak izaten dira. Guk ikastolakook idatzi diogu Olentzerori eskutitza. Badakizue zer eskatu diogun? Bada, ikastolan eta inguruan EUSKARA gehiago entzutea, gure ikasleek EUSKARAZ hitz egitea… Argitxori eman diogu eskutitza harreman zuzen-zuzena omen dauka-eta. Ea gure ametsa betetzen duen!